Peche solidario en Coia para reclamar a absolución de Diego Lores

A Asemblea Aberta de Coia inicia este domingo un peche solidario para reclamar a absolución do activista Diego Lores, que será xulgado o día 17 pola denuncia falsa por agresión dun axente municipal. O colectivo fai un chamamento a sumarse a esta nova acción en apoio da súa inocencia, coa que queren desmontar o que consideran unha montaxe policial que busca criminalizar a loita veciñal e social en Vigo, da que Lores é un dos seus referentes.

Un acto comunitario de 48 horas que terá lugar na Parroquia do Cristo da Victoria e que contará con charlas, obradoiros, actuacións musicais e a proxección da curta #MoitoPeixeRompeARede, onde se rememora a loita veciñal da rotonda do Bernardo Alfageme que levou á imputación sen probas do activista. O peche finalizará coa veciñanza acompañando até os xulgados a Lores, que enfronta unha pena de 3,5 anos de prisión e 30.356 euros de responsabilidade civil. Unha acusación da que a propia Fiscalía recoñeceu en dúas ocasións que non existen probas.

Durante as últimas semanas, máis de 1.500 persoas de todo o Estado asinaron a favor da absolución de Diego, no marco dunha campaña realizada pola Asemblea de Coia en diferentes concellos galegos. “Diego sempre foi unha das caras máis visibles da loita da rotonda de Coia, polo que cremos que o seu procesamento non é casual. Pretenden que pague por toda a veciñanza, para que quede claro que sucede coas voces disonantes”, denuncian desde o colectivo veciñal.

Consideran que a instrución do procedemento contra Lores estivo marcada por contradicións e incongruencias por parte da Policía Local, que mantén a acusación particular malia carecer de probas. Como exemplo da criminalización, recordan que desde que comezaron as protestas pacíficas en 2014 contra o proxecto “megalómano e esperpéntico” do Bernardo Alfageme, sufriron xa numerosas multas, detencións e a condena do activista Xurxo Romero.

Para máis información:

Teléfono: 679 758 663 – 696 618 732
Correo electrónico: nonarotonda@gmail.com
Twitter: @AsembleaDeCoia
Facebook: @asembleaabertacoia

PROGRAMA DO PECHE

DOMINGO 15:
13:00 | Rolda de prensa na igrexa
14:00 | Xantar común
17:00 | Contacontos: Bea Campos e Davide González (Migallas teatro)
18:00 | Obradoiro: “Quérennos soas, téñennos en común”, coa participación de persoas de loitas veciñais en Málaga, Xixón, Compostela…
19:30 | Concerto: Mini e Mero
21:30 | Cea común

LUNS 16:
10:30 | Faladoiro:“Barrios: distintos lugares, mesma historia” co alumando do IES Alexandre Bóveda e coa presenza de Emiliano Tapia (Buenos Aires, Salamanca) e Emilio Suárez (Coia, Vigo)
14:00 | Xantar común
17:00 | Obradoiro: elaboración de barcos de papel
19:00 | Proxección de #MoitoPeixeRompeARede e coloquio
21:30 | Cea común

MARTES 17:
9:30 | Marcha colectiva até os xulgados acompañando a Diego Lores con parada na rotonda
10:00 | Concentración diante do Xulgado
10:30 | Xuízo de Diego Lores

Advertisements

8 ao 14 xaneiro – Semana solidaria coa loita na rotonda de Coia

A Asemblea Aberta de Coia e Baladre (Coordinación de loitas contra o paro, o empobrecemento e a exclusión social) organizamos unha semana de palestras e proxeccións en solidariedade coa loita na rotonda de Coia que leva por título: “Quérennos en soidade, téñennos en común”.

A xira, que comeza o domingo 8 e remata o sábado 14 de xaneiro, procura sumar apoios ante o xuízo que o 17 de xaneiro ten Diego Lores. El foi unha das persoas represaliadas pola loita contra a instalación do barco Bernardo Alfageme nunha rotonda deste barrio vigués.

Este ciclo de palestras, irán acompañadas da proxección da curta #MoitoPeixeRompeARede que repasa os meses de conflito > https://www.youtube.com/watch?v=ISy2Ezu68w0

Con estas actividades queremos poñerlle voz e corpo ás mobilizacións veciñais na defensa do ben común, da vida. Coñecer as resistencias das que visualizan a inxustiza existente tras a cidade capitalista. Coñecer as arelas daquelas que pulan por colocar a vida e os dereitos sociais de todas no centro. Reflexionar sobre a solidariedade e o apoio mutuo como ferramentas fronte a represión das que traballan pola xustiza social.

Para tratar estes temas contaremos con veciñas de Coia acompañadas de persoas que participaron en diferentes loitas co obxectivo de partillar experiencias e tecer redes na defensa doutras vidas que paguen a ledicia de seren vividas.

Calendario de actividades:

PONFERRADA
Domingo 8 xaneiro ás 15h00. Magaz de Arriba (Ponferrada)

FERROL
Luns 9 xaneiro ás 19h00. Ateneo Ferrolán (r/Magdalena 202-204)

SABARÍS
Martes 10 xaneiro ás 20h00. Casino de Sabarís (r/Julián Álvarez 33)

OURENSE
Mércores 11 ás 20h00. A Galleira (Praza de San Cosme)

REDONDELA

Mércores 11 ás 20h00. Multiuso da Xunqueira (Paseo Xunqueira s/n)

NIGRÁN
Xoves 12 xaneiro ás 20h00. A Casa Colorida (r/Rosalía de Castro 16)

PONTEVEDRA
Venres 12 ás 20h00. Casa das campás (r/Don Filberto 9)

VIGO
Sábado 14 ás 19h00. CS Faísca (r/Toledo 9)

Manifesto en apoio a Diego Lores

Chegou o día. O 17 de xaneiro de 2017 xulgan a Diego por unha suposta agresión a un policía municipal con resultado de lesións. A pena a que se enfronta é de 3 anos e medio de cárcere, xunto a unha responsabilidade civil de 30.355,84 euros.

O feito que se xulga ocorreu hai dous anos, cando parte da veciñanza do barrio vigués de Coia co apoio de xentes vidas doutros barrios, botouse á rúa para protestar por outro (xa ían varios) proxecto megalómano e esperpéntico promovido dende o Concello de Vigo: a colocación dun barco de alto valor histórico nun rotonda do barrio. Seguir lendo

Manifiesto en apoyo a Diego Lores

Llegó el día. El 17 de enero de 2017 juzgan a Diego por una supuesta agresión a un policía municipal con resultado de lesiones. La pena a la que se enfrenta es de 3 años y medio de cárcel, junto a una responsabilidad civil de 30.355,84 euros.

El hecho que se juzga ocurrió hace dos años, cuando parte de las vecinas del barrio vigués de Coia con apoyo de gentes llegadas de otros barrios, se echó a la calle para protestar por otro (ya iban varios) proyecto megalómano y esperpéntico promovido desde el Concello de Vigo: la colocación de un barco de alto valor histórico en una rotonda del barrio. Seguir lendo